2. Erronka: Errazio arrazoidunak

2. ERRONKA
ERRAZIO ARRAZOIDUNAK

KALKULATU PERTSONAKO ANOA EGOKIA

Janari gehiegi prestatzea da elikagaiak xahutzeko arrazoirik ohikoenetako bat. Askotan, janari gehiegi prestatzen dugu behar beste janari ez izateak kezkatzen gaituelako edo otordu baterako behar dugun elikagai-kantitate egokia kalkulatzeko zalantzak ditugulako, pertsona kopurua, adina, beharrizan-nutrizionalak eta abar kontuan hartuta.

Ezagutu gure
ERRAZIO KALKULAGAILUAK

Anoak behar bezala planifikatzea lagungarria izango da elikagai gutxiago xahutzeko eta dieta askotariko, osasungarri eta orekatua dugula ziurtatzeko.

Soberakinik ez izateko, garrantzitsua da produktuak neurtu edo pisatzea eta prestatuko ditugun kantitateak erabiliko ditugun errazioetara egokitzea. Errezeta bat badugu eta baskularik ez badugu, errezetako gramoak etxean erabiltzeko neurrietara egokituko ditugu, lana errazagoa izan dadin.

Helduen errazioen kalkulagailua

Umeen errazioen kalkulagailua

KONTUAN IZAN DESBERDINAK GARELA

Kalkulagailuko anoen neurria “batezbesteko neurria” duen pertsona batek jan beha duen elikagai bakoitzeko kantitatearen araberakoa da.

Erabiltzaile bakoitzak kontuan hartu beharko du prestatuko dituen elikagaiak norentzat izango diren. Gutako bakoitzak beharrizan desberdinak ditu nutrizioari dagokionez, adinaren, eguneko jarduera-mailaren eta generoaren arabera.

Adibidez, haurrei kantitate txikiak zerbitzatzeko gomendatzen dizuegu, haien neurrira egokituta, eta, hala ere gose badira, errepikatzeko aukera eman.

GIZARTEKO OHITURAK ALDATZEA

Gizarte- edo kultura-arau eta -ohiturek eragina dute egunero egiten ditugun gauzetan, nahiz eta horietan kontzienteki ez pentsatu. Kultura-elementu horietako batzuek eragina dute gure ustez zerbitzatu behar ditugun elikagaien kopuruetan; horren eraginez, askotan, elikagaiak soberan gelditzen dira, eta, kasu askotan, soberakin horiek zaborrontzira doaz zuzenean.

1. ERRONKA_ikusi

"Gonbidatuek mahaian jateko asko dagoela senti dezaten nahi dut”

“janari asko zerbitzatzen ez badut, jendeak pentsa lezake zuhurkeriatan nabilela"

"ez dut familiak goserik pasatzerik nahi"

Ezagun egiten zaizu?

Beharrezkoa da gizarteko arau horiek errealitatea islatzen duten ohitura bilakatzea: askotan, ez dugu uste dugun beste janari jan edo prestatu behar.

Eta, edonola ere, janaria soberan gelditzen bada, gauza asko egin daitezke: izoztu, beste osagai batzuekin konbinatu hurrengo egunerako beste plater bat sortzeko, auzokideekin partekatu... 1. erronkan hainbat trikimailu eman genizkizun:

ERRAZIOAK KALKULATZEKO BESTE MODU BATZUK

Nutrizioaren Fundazio Britanikoak Anoak modu orekatuan kalkulatzeko gida argitaratu zuen; tresna horrek osatu egiten zituen Britainiar Gobernuak “plater osasungarria” izenekoaren bidez emandako gomendioak, kontsumitzaileei erakuste aldera nola neurtu behar zituzten elikagaiak errazioak banaka prestatzeko, neurtzeko eskuak erabiliz.

ERRAZIOAK NEURTZEKO ESKUAK ERABILI_elika fundazioa

Informazio gehiago hemen:

PDF formatuan
fitxa deskargatu

ZEURE ESPERIENTZIAK GEHITU

www.zerodespilfarro.eus webgunean, tresnak, tailerrak eta abar argitaratuko ditugu hilez hil, baita elikagaien xahuketari aurka egiteko helarazten diguzuen beste edozein ekimen ere.

Nirearen webgunean (www.nirea.eus) fokua elikagaien eta gure sektore primarioaren balioan jarriko dugu: baserritarrei, sasoiko elikagaiei, tokiko azokei, landa-inguruneko esperientziei eta abarrei buruzko informazioa argitaratuko dugu. Har ezazu parte!

#0despilfarrourtea

Jarrai ezazu erronka gertutik #0despilfarrourtea traolarekin eta zuk hautatutako beste espezifikoren batekin; eta erabil itzazu zuk ere sare sozialetan zure ekimenak ikusarazteko.

Menú

Helduen errazioen kalkulagailua

Umeen errazioen kalkulagailua

Jarraiguzu Twitter bitartez egunean egoteko

Kontaktua

nodespilfarro@elika.eus

Pribatasun politika

Cookiak

Lege-oharra